Տաղանդաշատ Դուլյանի վերջին, կարևոր գրառումը՝ մահվանից առաջ

Հայտնի է, որ կյանքից հեռացավ տաղանդաշատ ու նշանավոր հաղորդավար, լրագրող Արմեն Դուլյանը․

Վերջինս իր էջում, ընդամենը մեկ օր առաջ ուշագրավ գրառում էր կատարել։ Շատերը մեկնաբանություններում գրում են, որ մինչև վերջին պահը, նա մնաց մտահոգ Հայաստանի համար ու կարծես զգում էր․․․

«Հայաստանցի, հիշիր՝ ամեն անգամ Արարատի անունը տալով, դու հարված ես հասցնում Հայոց բանակին…

Հիշո՞ւմ եք՝ Չիպոլինոյի մասին մի հատ մուլտ կար, որի մեջ էն հղփացած Լիմոնը ասում էր՝ պետությունը հարկ է մտցնում տեղումների համար. հասարակ արձրեւի համար՝ 100 լիրա եւ այլն…

Հիմա, երբ Հայաստանի ղեկավարը զգուշացրել է, որ Արարատի պատճառով մենք զենք չենք ստանում, Արդարադատության նախարարությունում մշակվում են Քրեական օրենսգրքի փոփոխություններ, ըստ որոնք Արարատի կողմը նայելու համար սահմանվում է տուգանք 100 հազար դրամի չափով, Արարատի անունը հիշատակելու համար՝ երեք ամսվա հանրային աշխատանքներ եւ վերջապես Արտո Թունջբոյաջանի «Արարատ, մերի սիրուն Արարատ» երգը հնչեցնելու համար՝ ազատազրկում մինչեւ մեկ տարի ժամկետով՝ գույքի առգրավմամբ…»: