Ամանորի տոներին, ամենաշատը ուրախանում են հենց երեխաները, իսկ Ձմեռ պապը էլ ավելի է մեծացնում այդ ապրումները։ Սակայն, այն հեքիաթը, որ պետք է պարգևվեր Ձմեռ պապու կողմից, վերածվել է ծանր րոպեների, որ կարող էր ողբերգության բերել․․
5-ամյա Արենի ծնողները որոշել էին ամանորյա կախարդական պահեր պարգևել իրենց որդուն՝ Ձմեռ պապ և Ձյունանուշ հրավիրելով իրենց տուն։ Արենի մոր՝ տիկին Սոնայի խոսքերով, ամեն բան լավ էր անցնում, երեխան շատ ուրախ էր ու տպավորված, մինչև չարաբաստիկ դեպքը։ Մինչ Ձմեռ Պապը պատմում էր իր ճանփորդության մասին, երեխան սեղանից վերցնում է չարազեղենը ու բռով լի ընդեղենը տանում բերանը․․
Միքանի վայրկյան անց, ծնողները նկատում են, որ երեխայի շնչառությունը վատանում է ու նա հազիվ է կարողանում շնչել։ Այդ պահին, թերևս խուճապի մատնվելով, նրանք չեն հասկանում թե ինչ պետք է անել ու խառնված փորձում են զանգել 103․․
Բարեբախտաբար, «Ձմեռ պապ»-ը չի կորցնում իրեն ու երեխային գրկելով, համապատասխան մեթոդներով կարողանում է կոկորդում մնացած չարազեղենը դուրս հանել երեխայի բերանից․․
Արդեն վայրկյաններ հետո Արենի ինքնազգացողությունը սկսում է աստիճանաբար լավանալ, ու նա մի փոքր լաց լինելուց հետո սկսում է նորից ոգևորվել Ձմեռ պապու պատմություններով ու նվերներով․․
«Մեկ վայրկյանով աչքներս թարթեցինք, ու կարող էինք հայտնվել անդառնալի իրավիճակում․ փառք Աստծո, որ այդ երիտասարդը կարողացավ փրկել մեր Արենին։ Ինձ մեղավոր զգալով հանդերձ՝ շնորհակալ եմ Աստծուն, որ որդուս հետ այժմ ամեն բան կարգին է։ Իսկ այդ Ձմեռ պապը իրոք ուղարկված էր Տիրոջ կողմից․․» – մեկնաբանել է Արենի մայրը․․․
