«Սուրբ Աստվածամայր» բժշկական կենտրոնում 2-ամյա տղա է մահացել
shamshyan.com-ը գրում է․
SHAMSHYAN.com-ի տեղեկություններով ՀՀ քննչական կոմիտեի Երևան քաղաքի քննչական վարչության Շենգավիթի քննչական բաժնում «սպանություն» հատկանիշներով նախաձեռնվել է քրեական վարույթ՝
հուլիսի 25-ին «Սուրբ Աստվածամայր» բժշկական կենտրոնում տեղի ունեցած ողբերգական դեպքի փաստով։
Այդ օրը ժամը 22:00-ի սահմաններում ոստիկանության Շենգավիթի բաժին ահազանգ է ստացվել «Սուրբ Աստվածամայր» բժշկական կենտրոնից, որ իրենց մոտ տեղափոխված երեխան մահացել է։
Դատաբժշկի նախնական եզրակացության համաձայն՝ արտաքին զննությամբ դիակի վրա բռնության հետքեր չեն հայտնաբերվել։
Քննիչի որոշմամբ նշանակվել է դիակի դատաբժշկական փորձաքննություն։
News-Time.am-ին հասած տեղեկությունների համաձայն «Սուրբ Աստվածամայր» բժշկական կենտրոնը պատրաստ է դեպքի վերաբերյալ ներկայացնելու պարզաբանում։ Ավելի մանրամասն կներկայացնեք շուտով
