Ա Ր S Ա Կ Ա Ր Գ LՈՒՐ Գեղшրքունիքից. Կшն մեծ թվով վիրшվпրներ
Այսօր՝ մայիսի 6-ին, խոշոր ավտովթար է տեղի ունեցել Գեղարքունիքի մարզում:
Ժամը 16:30-ի սահմաններում Սևան-Մարտունի-Գետափ ավտոճանապարհի 10-րդ կմ հատվածում՝ Չկալովկա գյուղի վարչական տարածքում, բախվել են «Mercedes» և 2 «Opel» մակնիշի ավտոմեքենաները:
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 5 հոգի տարբեր աստիճանի մարմնական վնասվածքներոով տեղափոխվել են «Սևան» բժշկական կենտրոն:
Հրշեջ-փրկարարները վիրավորներից մեկին հիվանդանոց են տեղափոխել փրկարարական ջոկատի ավտոմեքենայով, ապա հոսանքազրկել են ավտոմեքենաները, սահմանազատել տարածքն ու տեղում իրականացրել հերթապահություն:
Վթարի փաստով քննչական բաժնում նախաձեռնվել է քրեական վարույթ, որտեղ էլ պարզվում է վարորդների և վիրավորների ինքնությունը:
Ֆոտոլրագրողը հայտնում է, որ ըստ նախնական տեղեկությունների, վթարի մեղավորը եղել է «Mercedes»-ի վարորդը, իսկ բախման հետևանքով էլ «Opel»-ները դուրս են եկել երթևեկելի գոտուց և հայտնվել դաշտում՝ բախվելով քարերին:
