ՄԱՀԱՑՈՒ մեթոդ, որը 15 րոպեում կhաղթաhшրի անքնությունը
Անքնությունը հաճախ սկսվում է կեսգիշերին արթնանալուց և վախից, որ չեք կարողանա նորից քնել, սակայն նորմալ քունը վերականգնելու միջոց կա, այս մասին Sputnik ռադիոյին տված հարցազրույցում ասել է բժշկական գիտությունների դոկտոր Ռոման Բուզունովը։
Մասնագետը բացատրել է, որ քունն ինքնին բաղկացած է մի քանի փուլից, և ֆիզիոլոգիական արթնացումները տեղի են ունենում յուրաքանչյուր երկու ժամը մեկ․ մարդիկ բացում են իրենց աչքերը, շրջվում, փոխում դիրքերը և նորից ընկնում երազների մեջ: Ավելին, սովորաբար մարդն այս մասին չի էլ հիշում։
«Խնդիրները սկսվում են, երբ այս արթնացումները մարդուն անհանգստացնում են. «Օ՜, ես արթնացա, օ՜, չեմ կարողանա քնել, իսկ ի՞նչ պետք է անեմ հիմա»: Սա սթրես է և արյան ճնշման դրսևորում, և մարդն իսկապես չի քնում: Նրա մոտ առաջանում է չքնելու վախով պայմանավորված ռեֆլեքս, իսկ մահճակալը կապված է անքնության հետ։ Սա արատավոր շրջան է, որը կարող է հանգեցնել քնի խիստ խանգարման»,- ասել է նա։
Նրա խոսքով՝ քնելու 15 րոպե անհաջող փորձերից հետո պետք է վեր կենալ, գնալ մեկ այլ սենյակ և կատարել մի հոգնեցուցիչ գործ, որը ցանկացած պահի կարող ես ընդհատել և վերադառնալ քնելու։
Բացի այդ, եթե մարդը բավարար չափով չի քնում, չպետք է փոխել արթնանալու ժամանակը, քանի որ անհրաժեշտ է քնի դեֆիցիտ կուտակել, որպեսզի հետո ավելի լավ քնել։
Եվ՝ վերջին կանոնը, ըստ Բուզունովի, հաջորդ օրվա համար ոչինչ չչեղարկել։ Բժիշկը նշել է, որ այս «մտքի խանգարման» հետևանքով առաջացած անքնության լավագույն բուժումը քնի սահմանափակումն է։ Անքնությունը, սկզբունքորեն, հաճախ հիվանդություն չէ և «բուժվում» է հանգստի պակասով։
«Հենց քնի դեֆիցիտ ենք ստեղծում, մարդու մոտ ուժեղ քնկոտություն է առաջանում, և երբ մոտենում է անկողնուն, նրա մոտ, իհարկե, միտք է առաջանում «իսկ եթե չքնեմ», բայց նա պարզապես ընկնում և քնում է։ Բավական է 10-15 անգամ առանց վախի քնել, և կձևավորվի դրական «անկողին-քուն» բնազդ»,- եզրափակել է մասնագետը։
