Ուսուցչուհու բաց նամակը գրավել է համացանցը․ Նիկոլ ջան, դարձի արի

Ինչպես արդեն հայտնի է, վարչապետ Նիկոլ Փաշինյանը գոհ է, որ ԿԳՄՍ նախարարությունը որոշել է ֆինանսավորել «Մել» ֆիլմը, որը պատմում է ծանրամարտիկ Մելինե Դալուզյանի, նրա անցած ուղու մասին․․․

Այսօր Ազգային ժողովում կառավարության հետ հարցուպատասխանի ժամանակ վարչապետը հայտարարեց, որ Մելինե Դալուզյանը, ով բնակություն է հաստատել Ամստերդամում, ինքնասպանության եզրին է նույնիսկ հայտնվել, պատճառը հանրության վերաբերմունքն է․․․

Նշենք, որ այս ֆիլմի ֆինանսավորման համար ԿԳՄՍ նախարարությունից հատկացվել է 20 միլիոն դրամ, որն ընդհանուր արժեքի միայն 14 տոկոսն է․․․

Ծանրամարտի Եվրոպայի չեմպիոն, ծագումով Գյումրիից Մելը Հայաստանի դրոշի ներքո աշխարհի և Եվրոպայի առաջնություններին մասնակցել է Մելինե Դալուզյան անվամբ, նա Նիդերլադներում ապաստան է ստացել որպես տրանսգենդեր տղամարդ․․․

Հայաստանում ավելի վաղ նկարահանված ԼԳԲՏ համայնքի մասին պատմող «Լսիր ինձ» վավերագրական ֆիլմում Դալուզյանը պատմել է, որ Հայաստանում բազմաթիվ դժվարությունների է հանդիպել իր սեռական կողմնորոշման պատճառով․․․

«Ֆիլմը մի մարդու մասին է, ով Եվրոպայի եռակի չեմպիոն է, ռեկորդակիր է, որի ռեկորդը շարունակում է մինչև հիմա գոյություն ունենալ, որի չեմպիոնության պատվին Հայաստանի դրոշը երեք անգամ բարձրացել է, ու հիմնը 3 անգամ հնչել է»,- ասաց Նիկոլ Փաշինյանը՝ շարունակելով.

«Մարդն ունեցել է պրոբլեմ, որն ամենևին նորություն չէ մեր իրականության մեջ, և մեր բանահյուսության և բառապաշարի մեջ այդ պրոբլեմն ունի կոնկրետ բժշկական պարամետրեր․․․

Որովհետև այդ պրոբլեմի մասին իմացել են սկզբից թիմակիցները, հետո մարզիչները, հանրության արձագանքի ու վերաբերմունքի պատճառով, որ բոլորը թարս են նայել իրեն, ետևից փսփսացել են, մարդը հասել է ինքնասպանության եզրին,

հետո որոշել, հասկացել է, որ այդ պրոբլեմը լուծելու միակ ճանապարհը Հայաստանից թողնել, հեռանալն է, դա բժշկական ցուցում ունեցող պրոբլեմ է․․․

Ժամանակակից աշխարհը հնարավորություն է տալիս, որ այդ պրոբլեմը լուծվի, չնայած որ մարդիկ ասում են, որ եթե Աստված իրեն էտպիսին է ստեղծել… կներեք, բայց մեզ մոտ երեխեք կան, որ սրտի արատով են ծնվել,

Աստված իրենց էտպիսին է ստեղծել, եկեք չբուժե՞նք, երեխեք կան, որ կույր են ծնվում, եկեք թողնենք՝ ոնց կան, նենց էլ մնա՞ն», – հարցրեց վարչապետը․․․

Ըստ նրա, եթե նախարարությունը չֆինանսավորեր այդ ֆիլմի նկարահանումը, ինքը, որպես Հայաստանի քաղաքացի, կմտածեր, որ երախտամոռ կառավարություն է, որովհետև այս մարդը վաստակ ունի մեր պատմության մեջ․․․

Ուսուցչուհի Անահիտ Մեսրոպյանը անդրադարձ է կատարել Փաշինյանի այս խոսքերին․․․

Պարոն վարչապետ, ամենայն հարգանքով, պետք է ասեմ, որ Դուք ուղղակի աղավաղում եք փաստերը․․․

Ձեզ թյուր տեղեկություններ են տվել․ Դուք գոնե տեղյակ ե՞ք, որ դոպինգի համար էդ “չեմպիոնին” որակազրկում են ու Երկրի նկատմամբ պատժամիջոց կիրառում․․․

Մելինեն եթե խնդիրներ ուներ իր սեռական կողմնորոշման հետ, ապա ոչինչ չէր խանգարում նրան հեռանալ երկրից։ Ու նա շատ հանգիստ արեց այդ, հեռացավ՝ հրաժարվելով հայկական անձնագրից․․․

Աստված իր հետ, նա իր համար հանգիստ ապրում է, սակայն որն է իմաստը, որն է պատճառը, որ կառավարությունը նրա՝ տրանսգենդեր լինելու մասին ֆիլմի համար՝ 20 միլիոն է հակացնում․․․

Եվ թող ոչ ոք չփորձի ասել, թե ֆիլմը նվիրված է՝ նրա սպորտային նվաճումներին․ բնականաբար չկա նման բան…

Եթե Մելինեն չլիներ տրանսգենդեր, ապա աշխարհի և ոչ մի պետություն մոտ 100 միլիոն դրամ չէր ծախսի նրա մասին ֆիլմ նկարելու համար՝ հատկապես, որ Մելը 2-րդ կարգի մարզիկ է․․․

Դուք այդ ֆինանսավորմամբ ուղղակի պրոպագանդում եք այդ չարիքը․ հասկացեք, որ եթե չենք կիսում ձեր կարծիքը, ապա այդ չի նշանակում, որ քոչարյանական, սերժական կամ եսիմինչական ենք․․․

Խնդրում եմ մի պահ կտրվեք Ձեր՝ սորոսական արատավոր շրջապատից և հասկացեք թե ինչ եք անում․․․

Ես շատ հարգում ու հավատում եմ Ձեզ, ես ընտրել եմ Ձեզ, բայց թույլ տվեք որպես ՀՀ հպարտ քաղաքացի, չհամաձայնել Ձեր հետ, քանի որ նման քայլերով ես ինչ ոչ հպարտ եմ զգում, ոչ էլ դուխով․․․

Եվ վերջում․ ասեք երկու տարբերություն Մելինե Դալուզյանի և Նազիկ Ավդալյանի միջև․․․

Մելինեն ունի ավելի քիչ նվաճումներ, և տրանսգենդեր է․ մեր կրթության նախարարությունը գումար է հատկացնում՝ Մելինե Դալուզյանին․ Հետևությունները թողնում եմ Ձեզ։ Նիկոլ ջան, դարձի արի․․․